Also liebi Touriste, ihr alli und i leider au, choends halt wuerkli noed vermiiide dass d'Luet merket dass mer noed iiheimisch sind, aber bitte passet eu wenigsens aechli a, dass er nur wiae wissi Touriste usgsehnd und noed au no so tuaend. Ha eu mol paar Regle oder Tips ufglistet, bitte beachtet diae, denn muae au i mi noed jede Tag am Strand ufrege.

1. Choemet NIE mit Socke an Strand. Da isch so was hohls. Egal oeb er so Jesus Sandale ahaend oder Turnschueh(wa uebrigens au noed unbedingt an Strand ghoert), leget eifach kei Socke a.

2. Leget eui Tuechli doch bitte direkt in Sand, und noed uf so tussi Liegestuehl, muaend jo nocher e hai go dusche und dae Sand entferne. Und wenn ihrs gar noed ushaltet ohni Liegestuehl denn mietet ein, aber bringet noed eui 10-joehrige Campingstuehl an Strand.



3.Choender eui Tuechli bitte ine Strandtaesche tuae, mit allem andere Zueg und traegets noed so gsnobbt um d'Schultere mit dae FlipFlops idea Haend und X andere Utensilie.

4. Foti mache isch jo guaet und recht, git au viel schoeni Ablick wo soetet festghalte werde aber bauet fuer da noed grad ae halbs Fotistudio uf. Ae dezenti Kamera langet foerig, git au schoeni Bilder ohni 3m langi Zoomufsaetz und traegets noed um dae Hals. Lampet jo meistens e nur ueber d'Bierraenzli abe.

5. So Bierchuehler sind absolut unnoetig, gseht mega hohl us, s'Betraenk blibt e noed wuerkli chalt. Haet gnueg Strandbars zum kuehlts Zueg chaufe.

6. Eui Autos choender nebet alli andere stelle, muaend noed bis as Wasser fuerae fahre zum merke, dass denn doet kei Parkplaetz meh haet und d'Waeg zudae Straend sind halt meistens Sandstrosse, also haltet nie a,soes bliibet ihr stecke(wa i eigentli no lustig faend zum luege ) und denket dra ihr sind noed di einzige wo go suennele woend, also nehmet chli Ruecksicht uf dene Stroessli, au uf sonere chline Insle gits Gegeverchehr.



7. A die liebe Fraue wo sichs am Strand bequem machet, choemet mitem Ego wieder abe nur wiel eu alli do noruefet oder fuer eu singet, isch e noed ernst gmeint und machets bi jedere andere au.

8. Isch jo fruendlich wenn ihr alli am Strand gruesset und machet eigentli au alli do, aber saeget bitte noed so langwiilig "HELLO". Da macht kein Mensch do. Mit Akzent toents denn no bloeder. Bruchet entweder "hy", "good morning" oder "good afternoon" aber passet uf, "good morning" wird nur bis am 12i am Mittag brucht, nocher heissts "good afternoon", au am 12.01.

Hoff ihr verstoend wani eu woet mitteile und nehmet diae Message ernst. Danke! =)